Sùtô͘ Hêngtoān Tē jīcha̍p gō͘ chio͘ⁿ

25:1 Húisūto͘ chiō͘ⁿjīm saⁿji̍t āu, chiū án Kaisatlīa chiō͘ⁿkhì Iâlō͘satléng.

25:2 Tōachèsi hām Iûthàilâng ê tāipiáu ǹg i khòngkò Pólô.

25:3 Iā chhéngkiû i kā Pólô sàng lâi Iâlō͘satléng. In kèōe tī pòaⁿlō͘ bâiho̍k thang thâisí Pólô.

25:4 M̄ku Húisūto͘ ìn:” Pólô tio̍h pīsiuah tī Kaisatlīa, koh góa chinkín chiū ē tńgkhì hia,

25:5 lín tiongkan ū koânsè ê lâng, kap góa chòhóe lo̍hkhì. Hitê lâng náū siáⁿmih m̄sī, lín thang kò i.”

25:6 Húisūto͘ tòa tī hia chiâⁿ cha̍pji̍t, chiū lo̍hkhì Kaisatlīa, kehji̍t khuitêng, hālēng chhōa Pólô lâi.

25:7 Pólô chi̍tē kàuui, hiaê án Iâlō͘satléng lâi ê lâng ûi óalâi, khiā tī i ê chiuûi, ēng chin giâmtiōng ê chōemiâ kò i, m̄ku theh bēchhut chèngkù.

25:8 Pólô ūi katī piānhō͘ kóng:” Góa bô hoāntio̍h Iûthàilâng ê Lu̍thoat, mābô chhimhoān sèngtiān, mā bô tekchōe Lômá Hôngtè.”

25:9 M̄ku Húisūto͘ beh hō͘ Iûthàilâng hoaⁿhí, chiū ìn i:” LÍ kám goānì chiō͘ⁿkhì Iâlō͘satléng, tī hia chiapsiū góa tùi lí ê ànkiâⁿ ê símphòaⁿ?”

25:10 Pólô ìn:” Góa chitmá khiā tī Kaisat ê hoattêng, kaijiân tī chia siūsím; lÍ mā chin chhengchhó, góa túi Iûthàilâng pèngbô chò m̄tio̍h siáⁿmih tāichì.

25:11 Góa ná ū chò m̄tio̍h, ahsī hoāntio̍h kaisí ê chōe, góa bē siámphiah; m̄ku, nā in khòngkò góa ê, bô chi̍thāng sī sūsi̍t ê, chiū bô lâng ētàng kā góa kau hō͘ in. Góa beh ǹg Kaisat siōngsò͘.”

25:12 Tng Húisūto͘ hām gīhōe chhamsiông āu, chiū kóng:” LÍ íkeng ǹg Kaisat siōngsò͘, chiū khí Kaisat hia.”

25:13 Kòe kúiji̍t āu, Akiphàⁿ ông hām Peknîki lâi Satkalīa, mā ǹg Húisū-o͘ chhéngan.

25:14 In tòa tī hia kúiji̍t āu, Húisūto͘ ǹg Akiphàⁿ ông pòkò iúkoan Pólô ê ànkiâⁿ, kóng:” Chia ū chitê Huile̍ksū khuliû tī kaⁿnih ê lâng,

25:15 góa khì Iâlō͘satléng ê sî, hiaê chèsitió͘ⁿ kap Iûthàilâng ê tió͘ⁿló , lâi khòngkò i, iàukiû góa kā i tēngchōe.

25:16 Góa kā in kóng, chiàu Lômálâng ê koànlē, pīkò kap goânkò iáubē tùichí, mā iáubē ū kihōe ūi katī piānhō͘ chinchêng, bētàng kā i tēngchōe,

25:17 só͘í tng in lóng lâi kàuchia, góa bô iântî, sūi tī kehji̍t khuitêng, hālēng ah hitê lâng chhuttêng.

25:18 Só͘ū ê goânkò lóng khiā khílâi khòngkò i, in só͘ thêchhut ê, pèngbô góa só͘ siō͘ⁿ ê chōehêng.

25:19 M̄ku, in kap i leh chenglūn ê, sī hām in ê chongkàu iúkoan, íkip chi̍tê hōchò Iaso͘ ê sū, i íkeng sí, Pólô jīnûi I iau oa̍h leh.

25:20 Chiahê tāichì góa cha bēchhut thâusū, chiū mn̄g Pólô, kam goānì khì Iâlō͘satléng chiapsiū símmn̄g.

25:21 M̄ku i kiû góa hō͘ i lâu tī chia, thènghāu Kaisat ê chhâikoat, só͘í góa hālēng kā i khuliû kàu kau hō͘ Kaisat.”

25:22 Akiphàⁿ tùi Huisūto͘ kóng:” Góa katī mā chinài thiaⁿ chitê lâng kóng khòaⁿmāi leh.” Huisūto͘ ìn:” Bînáchài lí tio̍h thiaⁿ ētio̍h.”

25:23 Kehji̍t, Akiphàⁿ hām Peknîki chi̍ttīn lâng lāulia̍t kúnkún, kap iâⁿtió͘ⁿ hām siâⁿlāi ê tiongiàu jînsū ji̍pkhì hōegīthiaⁿ, Huisūto͘ hālēng, Pólô chiū hō͘ lâng ah kàu ui.

25:24 Huisūto͘ kóng:” Akipháⁿ ông kap chāichō ê kokūi, lín khòaⁿ chitê lâng, i chiūsī tī Iâlō͘satléng kap chit só͘chai só͘ū ê Iûthàilâng tùi góa chhiáⁿkiû, tōasiaⁿ hoah: m̄thang hō͘ i koh oa̍h leh! ê hitê lâng.

25:25 M̄ku, góa chhâbô i ū hoāntio̍h engkai phòaⁿ síhêng ê chōe, koh i íkeng ǹg Kaisat siōngsò͘, só͘í góa koattēng sàng i khì Lômá.

25:26 Koanhē chitê lâng , góa bô khaksi̍t ê ànchêng thang ǹg Hôngtè pòkò. Só͘í, góa chhōa i lâi lín bīnchêng, tekpia̍t sī tī Akipháⁿ ông ê bīnchêng, nā chhâchhut liáuāu, chiahū ànchêng thang siōngchàu.

25:27 Inūi góa jīnûi, beh koaiⁿah hoānlâng, nā bô chíbêng i ê chōechn̄g sī bô ha̍plí.

     2025.09.16. Siukái tī Lâmthâm