Sùtô͘ Hêngtoān Te jīcha̍p sì chio͘ⁿ

24:1 Gō͘ji̍t āu, Tōachèsi Anánîa kap kúiāê tió͘ⁿló, hām chi̍tê miâchò Thiapthó͘lô ê lu̍tsu lo̍hlâi ǹg chóngtok khòngkò Pólô.

24:2 Tng Pólô chhuttêng, Thiapthó͘lô chiū kò i kóng:” Huile̍ksū tāijîn, goán inūi lí thang hióngsiū thàipêng, koh lí ê oánkiàn hō͘ kokka tittio̍h káikek.

24:3 Goán tī ta̍ksî ta̍kūi lóng puttoān kámkek lí.

24:4 Taⁿ góa m̄káⁿ tamgō͘ lí ê sîkan, kiû lí khoaniông lâi thiaⁿ goán kúikù ōe.

24:5 Goán íkeng chachhut chi̍tê lâng náchhiō͘ⁿ une̍k, tī choân sèkài ê Iûthàilâng tiongkan chèchō po̍ktōng, mā sī Násatle̍k kàuphài ê siúléng.

24:6 I sīmchì iā se̍kto̍k sèngtiān, goán chiū kā lia̍h khílâi, siō͘ⁿ beh ēng goán ê lu̍thoat símmn̄g i,

24:7 bôphahsǹg iâⁿtió͘ⁿ Lūsea tó͘kiông tùi goán tiongkan kā chhió͘ⁿkhì, hālēng kò i ê lâng lâi kàu lí ê bīnchêng.

24:8 Chhiáⁿ lí chhinchū símmn̄g i, chiū ē chhengchhó goán kò i ê ta̍khāng tāichì.

24:9 Chāitiô͘ⁿ ê Iûthàilâng mā lóng chham lo̍hkhì khòngkò i. Tāichì chiūsī ahne.

24:10 Chóngtok ǹg Pólô píchhiú, kiò i tappiān. I chiū kóng:” Góa chaiiáⁿ lí tī chia chipchèng chò hoatkoaⁿ chinchē nî, só͘í góa chin lo̍kí tī lí ê bīnchêng ūi katī piānhō͘.

24:11 Lí ná tiâucha ē chai, góa lâi Iâlō͘satléng kèngpài, kàu kináji̍t iàubô cha̍pjī ji̍t.

24:12 In bô khòaⁿtio̍h góa tī sèngtiān lāi, kap lâng piànlūn, ahsī siàntōng chènglâng, koh tī hōetn̂g mā bô, tī siâⁿlāi siāngkhoán bô.

24:13 In mā bētàng the̍hchhut hiānchāi khòngkò góa ê chèngkù hō͘ lí.

24:14 M̄ku ū chi̍thāng ài tùi lí sêngjīn ê tāichì, chiūsī in só͘ūi Chintō ê kàuphài, góa chiàu chi̍tê chintō ho̍ksāi Goán chó͘sian ê Siōngchú, mā sìnhōng Mô͘se ê lu̍thoat, íkip tī siantichheh só͘ kìchài ê itchhè.

24:15 Góa ǹg Siōngchú chûn ê ǹgbāng, chiūsī bôlūn gīlâng ahsī putgī ê lâng, lóng ē án sí kohoa̍h, che māsī in só͘ leh chhiauchhōe ê.

24:16 Só͘í, góa tùi Siōngchú kap chènglâng chhîsiok hoatchhut bôké ê liôngsim.

24:17 Taⁿ, kengkòe kúinî āu, góa koh tńglâi, sī beh chinchè góa ê tôngpau, kap hiànchè,

24: 18 hitsî, góa tī sèngtiān lāi oânsêng kiatchēnglé, hō͘ kúiê án Asea lâi ê Iûthàilâng khòaⁿtio̍h, hia pèngbô kûnchiòng, mābô jiáuloān,

24:19 kású in ná beh kongkek góa, mā tio̍h lâi kàu lí ê bīnchêng khòngkò.

24:20 Ahsī hō͘ in katī kóng, góa khiā tī gīhōe ê bīnchêng, in khòaⁿtio̍h góa ū siáⁿmih puthoat.

24:21 Náū, mā chíū chithāng tāichì thang hō͘ in kò góa, chiūsī góa ū khiā tī in tiongkan tōasiaⁿ hoah:「Góa kináji̍t tī lín bīnchêng siū lín símphòaⁿ, sī kap sílâng kohoa̍h iúkoan.」

24:22 M̄ku, Huíle̍ksū tùi iúkoan Chintō ê chaibat siongtong liáukái, chiohkháu kóng:” Tán iâⁿtióⁿ Lūsea lâi ê sî, chiah lâi phòaⁿtoàn lín ê ànkiâⁿ.” Kā in thoaiân.

24:23 I iā hālēng liântió͘ⁿ kā Pólô kò͘siú hō͘ hósè, m̄bián kusok i, mā m̄thang kìmchí i ê pêngiú lâi ho̍ksāi ahsī thàmhóng i.

24:24 Kengkòe kúiji̍t āu, Húile̍ksū hām i ê bó͘ Thó͘selah sī Iûthàilâng chòhóe lâi. In kiò Pólô lâi, beh thiaⁿ i kóng iúkoan Iaso͘ Kitok ê sìngióng.

24:25 Tng Pólô kóngtio̍h konggī, chiatchè kap chiônglâi ê símphòaⁿ, Húile̍ksū soah kiaⁿ khílâi, chôaⁿ kóng:” Taⁿ lí ēsái chhutkhì, góa ū sîkan, chiah koh kiò lí lâi.”

24:26 Siāng sîchūn, Húile̍ksū mā kîthāi Pólô ê kā o͘se, thang pàng i. Só͘í, tiāⁿtiāⁿ kiò i lâi, kap i tâmlūn.

24:27 M̄ku chiokchiok nn̄gnî , Phokiû sòachiap Húile̍ksū chò chóngtok; Húile̍ksū beh tittio̍h Iûthàilâng ê sim, chiū kèsio̍k khuliû Pólô.

      2025.09.15. Siukái tī Lâmthâm