Sùtô͘ Hêngtoān Te jīcha̍p la̍k chio͘ⁿ

26:1 Akipháⁿ ông tùi Pólô kóng:” Chún lí ūi katī piānhō͘.” Pólô chiū thiánkhui i ê siangchhiú ūi katī piānhō͘, kóng:

26:2 “ Akipháⁿ ông à! Iúkoan Iûthàilâng tùi góa só͘ū ê khòngkò, kináji̍t ēthang tī lí ê bīnchêng chò piānhō͘, góa kámkak chin ênghēng.

26:3 Kohkhah tekpia̍t ê sī lí tùi Iûthàilâng ê bînchêng hongsio̍k, íkip góa kap in ê chenglūn siongtong ê liáukái, só͘í góa chhiáⁿ lí nāisim thiaⁿ góa kóng.

26:4 Sūsi̍tsiōng, só͘ū ê Iûthàilâng lóng chaiiáⁿ, góa chhengsiàuliân íāu ê ûijîn chhúsū, sī án sèhàn tī púnkok kap Iâlō͘satléng chiū khaisí ê.

 

26:5 In kútn̂g ílâi chiū bat góa, nā khéng ūi góa chòchèng, chiū chai góa chūthâu sī tī goán ê chongkàu lāibīn iàukiû siōngkài giâm ê kàuphài lāibīn chiâⁿchò Hoatlīsài lâng.

26:6 Hiānchāi góa khiā tī chia siū símphòaⁿ, sī inūi ǹgbāng Siōngchú hō͘ goán chó͘sian ê sênglo̍k,

26:7 chitê sênglo̍k sī goán cha̍pjī cho̍k ê tôngpau, mêji̍t jia̍tsim kèngpài Siōngchú, ǹgbāng thang tittio̍h ê. Ông à, góa pī Iûthàilâng khòngkò, chiūsī inūi chi̍tê ǹgbāng,.

26:8 Siōngchú nā sī hō͘ sílâng kohoa̍h, lín Iûthàilâng sī ánchóaⁿ toàntēng bô khólêng?

26:9 Góa katī í-chêng mā jīnûi, tio̍h ēng kokchióng honghoat lâi kongkek Násatle̍klâng Iaso͘ ê miâ,

26:10 tī Iâlō͘satléng góa mā bat ahne chò. Góa ū chèng chèsitió͘ⁿ ê siūkoân, chiū lia̍h chēchē sìntô͘ koaiⁿ lo̍hkaⁿ, koh tī in pī phòaⁿ síhêng ê sî, góa mā tôngì.

26:11 Puttoān tī kok hōetn̂g hênghoa̍t in, kiôngpek in kóng siatto̍k ê ōe, góa thònghūn in kàuke̍k, sīmchì khì gōakok ê siâⁿchhī pekhāi in.

26:12 “ Hitsî, góa ū chèsitió͘ⁿ ê siūkoân, chiânóng Tāimásek.

26:13 Ông ah, thàutiongtàu góa tī pòaⁿlō͘ khòaⁿtio̍h pí ji̍tthâu kohkhah kiông ê kng, án thiⁿténg chiò tī góa kap tangphōaⁿ ê chiuûi.

26:14 Tng goán lóng phakloh thô͘kha ê sî, góa thiaⁿtio̍h ū siaⁿ ēng Hipeklâi ōe tùi góa kóng,「Sólô! Sólô! Lí ūisiáⁿmi̍h pekhāi Góa? Inūi lí ēng kha khì that chhì, sī chin oh.」

26:15 Góa ìn I:「Chú ah! Lí sī siáⁿlâng?」Chú kóng:「Góa chiūsī lí só͘ pekhāi ê Iaso͘.」

26:16 Taⁿ lí khílâi khiā hō͘ chāi, inūi Góa choankang ǹg lì hiánhiān, sī beh chíphài lí chò Góa ê po̍kjîn, kap ūi tio̍h lí bat khòaⁿtio̍h hām Góa tehbeh chísī lí ê tāichì ê kiànchèng.

26:17 Góa ē kā lí án Iûthàilâng kap gōakoklâng ê chhiútoing, kiù chhutlâi.

26:18 Góa phài lí khì in hia, lâi khui in ê ba̍kchiu, hō͘ in tùi o͘àm tiong choánǹg kngbêng; tùi Sattàn ê koânsè kuiǹg Siōngchú, koh tùi tī sìn Góa hō͘ chōe tittio̍h sià, thang hām chèng sìntô͘ sêngsiū kigia̍p.

26:19 Akiphàⁿ ông à, só͘í góa bô ûipōe tùi thiⁿ lâi ê īⁿsiōng,

26:20 Tāiseng tī Tāimásek kap Iâlō͘satléng, āu lâi tī iûthài choântē, mā ǹg gōakoklâng soankáng, khoánkhǹg in hóekái kuiǹg Siōngchú, koh tī hêngûisiōng ū siongtùi ê piáuhiān.

26:21 Inūi ahne Iûthàilâng tī sèngtiān lāi lia̍h góa, iā phahsǹg beh sathāi góa.

26:22 M̄ku, góa tittio̍h Siōngchú ê pangchō͘, kináji̍t khiā tī chia, ǹg pibî kap chunkùi ê chò kiànchèng. Góa só͘ kóng ê, bô m̄sī chèng sianti kap Mô͘se bat kóngkòe, chiônglâi ē hoatseng ê tāichì.

26:23 Chiūsī Ki-tok tio̍h ánchóaⁿ siūkhó͘, koh ánchóaⁿ chò thâuchi̍tê tùi sílâng tiong kohoa̍h ê, lâi ǹg Iûthàilâng hām gōakoklâng thoânpò kngbêng.

26:24 Tng Pólô ahne piānhō͘ ê sî, Huisūto͘ tōasiaⁿ hoah:” Pólô lí leh khísiáu? Lí ê ha̍kbūn siō͘ⁿpá, soah hō͘ lí khong khì! ”

26:25 Pólô ìn:” Huisūto͘ tāijîn à, góa bô khísiáu, góa só͘ kóng ê ōe, kùkù sī chinsi̍t koh ha̍plí. ”

26:26 “ Inūi ông chhengchhó chiahê tāichì, só͘í góa hòngtáⁿ ti̍tchiap kóng, in-ūi góa khak-sìn bô chi̍t-hāng ē-tàng ún-môa ông, chiah-ê tāi-chì long m̄-sī tī pōe-āu chò ê.

26:27 Akiphàⁿ ông à, lí kámū siongsìn sianti? Góa chaiiáⁿ lí sìn.”

26:28 Akiphàⁿ ông kóng:” Pólô, lí siōⁿkóng, lí kóng chit kúi kù ōe, chiū beh soatho̍k góa chò Kitoktô͘?”

26:29 Pólô ìn:” Góa kîtó Siōngchú, bôlūn góa kóng ê sī chē ahsī chio̍h, m̄ nā ūi lí nāniāⁿ, mā liân kináji̍t thiaⁿtio̍h góa kóng chiahê ōe ê móe chi̍tê lâng, ēthang chiâⁿchò góa ahne, tûliáu pī liāntiâu leh ígōa.”

26:30 Ông hām chóngtok, Peknîki, íkip chāitiô͘ⁿ ê lâng lóng khiā khílâi.

26:31 Tng in līkhui hiāntiô͘ⁿ, hō͘siong tâmlūn kóng:” Chitê lâng pèng bô hoāntio̍h kaisí ahsī koaiⁿkaⁿ ê chōe.”

26:32 Akiphàⁿ ông chiū kā Huisūto͘ kóng:” Chitê lâng nā bô ǹg Kaisat siōng-sò͘, chiū thang pàng i chū-iû lah.”

     2025.09.17. Siukái tī Lâmthâm