Sùtô͘ Hêngtoān Tē jīcha̍p jī chio͘ⁿ

22:1 ” Kokūi hūló hiaⁿtī, chhiáⁿ thiaⁿ góa chitmá beh ūi katī piānhō͘ ê ōe.” Pólô kóng.

22:2 In thiaⁿtio̍h i ēng Hipeklâiōe tùi in kóng, chiū kohkhah anchēng lo̍hlâi.

22:3 Pólô kóng:” Góa sī Iûthàilâng, tī Kilīka ê Tāisò͘ chhutsì, mā tī chitê siâⁿ tōahàn, chò Kamália̍t ê ha̍kseng, i chiàu chò͘sian giâmkeh ê Lu̍thoat kà góa, kap kináji̍t tī chia ê kokūi siāngkhoán, jia̍tsim ho̍ksāi Siōngchú.

22:4 Góa bat pekhāi chiapsiū chitê chintō ê lâng kàu sí, bôlūn lâmlú lóng kā in lia̍h khílâi koaiⁿ lo̍h kaⁿ.

22:5 Chiahê tāichì , Tōachèsi kap gīhōe só͘ū ê tió͘ⁿló lóng ētàng chòchèng. Koh án in hia theh hō͘ chèng hiaⁿtī ê phoe, chiū khì Tāimásek beh lia̍h tī hia ê sìntô͘, ah lâi Iâlō͘satléng siū hênghoa̍t.

22:6 Tī góa tehbeh kiâⁿ kàu Tāimásek lō͘chiō͘ⁿ ê sî, tāikhài sī tiongtàu, hutjiânkan tùi thiⁿténg ū chin kiông ê kng chiò tī góa ê sìûi.

22:7 Góa chiū poa̍hlo̍h tī thô͘kha, ū thiaⁿtio̍h siaⁿ tùi góa kóng:” Sólô, Sólô, lí sī ánchóaⁿ pekhāi Góa?”

22:8 Góa ìn:「Chú à! LÍ sī siáⁿlâng?」I kóng:「Góa chiūsī lí só͘ leh pekhāi ê Násatle̍klâng Iaso͘.」

22:9 Hiaê kap góa chòhóe ê lâng ū khòaⁿtio̍h hitê kng mā chin kiaⁿhiâⁿ, m̄ku in thiaⁿ bô tùi góa kóngōe ê lâng hām siaⁿim ê ìsù.

22:10 Góa kóng:「Chú à, góa tio̍h chò siáⁿmih?」Chú kā góa kóng:「Khílâi, kiâⁿ li̍psiâⁿ.Tī hia ū lâng ē kā lí kóng, só͘ū lí siū chíphài tio̍h chò ê tāichì.」

22:11 Inūi hitê kng chinkiông, góa chôaⁿ bô khòaⁿ, hō͘ tângphōaⁿ khan góa ê chhiú li̍pkhì Tāimásek siâⁿ.

22:12 Tī hia ū chi̍tlâng miâchò Anánîa, chiàu Lu̍thoat lâi khòaⁿ sī chi̍tê kèngkhiân ê lâng, siū chēchē tongtē ê Iûthàilâng oló.

22:13 I lâi chhōe góa, khiā tī góa ê sin-piⁿ,kā góa kóng:「Sólô hiaⁿtī, lí ê sī-le̍k hoeho̍k lah! 」tī hitê sùnkan góa chit ē kia̍hthâu, chiū khòaⁿtio̍h i.

22:14 I kóng:「Lán ê chó͘sian ê Siōngchú íkeng chítēng lí, hō͘ lí chai I ê chíì, hō͘ lí khòaⁿtio̍h hitūi Konggīê, koh thiaⁿtio̍h I ê chhùi só͘ chhut ê siaⁿ.

22:15 Inūi lí ē chiong lí só͘ khòaⁿtio̍h, só͘ thiaⁿtio̍h ê, ǹg chēchē lâng chò I ê kiànchèng.

22:16 Taⁿ lí ūisiáⁿmi̍h iau leh tán? Khílâi kiûkiò Chú ê miâ, niá sélé lâi séchheng lí ê chōegia̍t. 」

22:17 “ Āulâi, góa tńglâi Iâlō͘satléng, tī sèngtiān lāi kîtó ê sî, góa tī īⁿsiōng tiong,

22:18 khòaⁿtio̍h Chú kā góa kóng:「Kín eh, kóaⁿkín līkhui Iâlō͘satléng, inūi chit só͘chāi ê lâng bē chiapsiū lí ūi Góa só͘chò ê kiànchèng.」

22:19 Góa chiū ìn:” Chú à, in chaiiáⁿ góa tī kok hōetn̂g, kā hiaê sìnkhò LÍ ê lâng koaiⁿ lo̍h kaⁿ, koh phah in.

22:20 Tng Lí ê kiànchèngjîn Suthêhoán lâuhoeh siūhāi ê sî, góa khiā tī piⁿá mā tôngì kā chhúsí, koh kò͘ hiaê sathāi i ê lâng ê gōasaⁿ.」

22:21 Chú kā góa kóng:「LÍ khì! Góa beh phài lí khì chin hn̄g ê gōakok.」

22:22 In thiaⁿtio̍h Pólô kóng kàu chitkù ōe, chiū tōasiaⁿ hoah:” Chitkhoán lâng, tio̍h kā án tēchiō͘ⁿ tûtiāu. In-ūi i bô engkai oa̍h lo̍hkhì.”

22:23 Kûnchiòng tōasiaⁿ liáng, mā thǹg in ê gōasaⁿ, kā thô͘soahúnà iāⁿ khílih khongtiong ê sî,

22:24 iâⁿtió͘ⁿ hālēng kā Pólô chhōa li̍p iâⁿpâng, ēng piⁿ phah i lâi símmn̄g, àibeh chaiiáⁿ ūisiáⁿmi̍h kûnchiòng tùi i chiahji̍h pháiⁿ.

22:25 Tng pengá ēng phôesut kā Pó-lô pa̍k soah ê sî, Pólô mn̄g khiā tī piⁿá ê liântió͘ⁿ kóng: ” Tùi chi̍tê Lômálâng lâi kóng, lín iáubōe chhâchhut i ê chōe, chiū lâi phah i, kámū ha̍phoat?”

22:26 Liântió͘ⁿ chi̍tē thiaⁿtio̍h, chiū khì kā Iâⁿtió͘ⁿ kóng:” Lí só͘ chò ê, tio̍h sèjī ò͘, inūi chitê lâng sī Lômálâng. ”

22:27 Iâⁿtió͘ⁿ cháulâi mn̄g Pólô: “Kā góa kóng, lí kámsī Lômá kongbîn? ” Pólô ìn i: ” Sī.”

22:28 Iâⁿtió͘ⁿ kóng:” Góa khai chi̍t tōapit ê chîⁿ, chiah bétio̍h Lômá kongbînkoân. Pó-lô ìn i: ” Góa chhutsì ê sî chiū sī. ”

22:29 Hiaê beh símmn̄g Pólô ê lâng sūi siámkhui. Iâⁿtió͘ⁿ taⁿ íkeng khakjīm Pólô sī Lômá kongbîn, inūi ū kā pa̍k khílâi, chiū chinkiaⁿ.

22:30 Kehji̍t, Iâⁿtió͘ⁿ àibeh chaiiáⁿ Pólô pīkò ê si̍tchêng, chiū kā i tháukhui, hālēng chèsitió͘ⁿ hām só͘ū ê gīoân óalâi, kā Pólô chhōa lo̍hlâi, hō͘ i khiā tī in ê bīnchêng.

         2025.09.13. Siukái tī Lâmthâm