23:1 Pólô chùba̍k khòaⁿ móe chi̍tê gīoân kóng:” Kokūi hiaⁿtī, góa ithiòng tī Siōngchú ê bīnchêng oânchoân chiàu chhengkhì ê liôngsim leh sengoa̍h, ti̍tkàu kináji̍t.
23:2 Tōachèsi Anánîa bēnglēng tī i sinpiⁿ
leh khiā ê lâng, siàn i ê chhùiphóe.
23:3 Pólô chiū tùi Tōachèsi kóng:” Lí chitê
chhat kah chin hó khòaⁿ ê chhiô͘ⁿ, Siōngchú ē phah lí kàu thiámthiám! Lí chē tī
hia kám m̄sī tio̍h chiàuhoat símmn̄g, lí kèngjiân ûihoat, kiò lâng phah góa.”
23:4 Khiā tī i piⁿá ê lâng kóng:” Lí káⁿ mē
Siōngchú ê Tōachèsi? ”
23:5 Pólô kóng:” Hiaⁿtī à, góa m̄ chaiiáⁿ i
sī Tōachèsi. Inūi kengchheh ū kìchài: M̄thang mē tīlí pehsèⁿ ê léngtōchiá.
23:6 M̄ku, tī Pólô chaiiáⁿ hiāntiô͘ⁿ ū
chi̍tpō͘hūn sī Satto͘kai lâng, lēnggōa sī Hoatlīsài lâng, chiū tī gīhōe tiong
tōasiaⁿ hoah:” Kokūi hiaⁿtī, góa sī Hoatlī-sài lâng, māsī Hoatlīsài lâng ê
kiáⁿ. Góa siū símmn̄g sī inūi góa ǹgbāng sílâng ē kohoa̍h.”
23:7 Pólô kóngliáu chiahê ōe, Hoatlīsài
lâng kap Satto͘kai lâng, soah khí chenglūn, gīhōe chôaⁿ hunlia̍t.
23:8 Inūi Satto͘kai lâng chútio͘ⁿ: bô kohoa̍h、bô thiⁿsài、mā bô lêngthé, m̄ku
Hoatlīsài lâng khiok jīnûi chiahê lóng ū.
23:9 Tùi ahne sánseng chintōa ê chengchip.
Kúiāê Hoatlīsài lâng ê kàusu khiā khílâi piānhō͘, kóng:” Goán khòaⁿ bē chhut
chitê lâng ū chò siáⁿmih pháiⁿtāi. Chún chò ū kúisîn ásī thiⁿsài tùi i kóngkòe ōe,
sī koh ánchóaⁿ? ”
23:10 TĪ chenglūn kah chin keklia̍t ê sî,
Iâⁿtió͘ⁿ kiaⁿ Pólô hō͘ in thiahchhùi, chiū hālēng pengá lo̍hkhì in tiongkan, kā
Pólô chhióⁿ chhutlâi, chhōa tńgkhì iâⁿkhu.
23:11 Hitmê, Chú khiā tī Pólô ê piⁿah,
kóng:” Tio̍h ióngkám! Lí bat tī Iâlō͘satléng ūi Góa chò kiànchèng, só͘í tī Lômá
iā ittēng ē ahne.
23:12 Thiⁿkng ê sî, kúiê Iûthàilâng kiat
chòhóe chiùchōa kóng: Nābô kā Pólô thâisí, in ittēng m̄chia̍h iā m̄lim.”
23:13 Chòhóe kèbô͘ ê ū sìcha̍p gōa ê lâng.
23:14 In lâi kìⁿ chèsitió͘ⁿ hām tió͘ⁿló,
kóng:” Goán íkeng chiù tangchōa, ná bô thâisí Pólô, m̄ kha̍p pòaⁿhāng mi̍hkiāⁿ.
23:15 Taⁿ lín kap gīhōe khì thongti iâⁿtió͘ⁿ,
chhiáⁿ i bêngáchài chhōa Pólô lâi lín ê bīnchêng, kéchò lín beh koh siôngsè chamn̄g
i ê ànkiâⁿ. Goán íkeng chúnpī hó, tī i lâikàu chia chinchêng thâisí i .
23:16 Pólô ê gōesengá thiaⁿtio̍h in bâi-ho̍k
ê kèōe, sūi khì iâⁿkhu kā Pólô kóng.
23:17 Pólô kiò chi̍tê liântió͘ⁿ lâi, kóng:”
Chhiáⁿ lí chhōa chitê siàuliânlâng khì kìⁿ iâⁿtió͘ⁿ, inūi i ū tāichì beh ǹg i
pòkò.”
23:18 Liântió͘ⁿ chiū chhōa i khì kìⁿ iâⁿtió͘ⁿ
kóng:” Hitê siūhêngjîn Pólô kiò góa khì i hia, kiû góa chhōa chitê siàuliânlâng
lâi kìⁿ lí, i ū tāichì beh ǹg lí pòkò.”
23:19 Iâⁿtió͘ⁿ khan i ê chhiú, khì piⁿá kòpia̍t
mn̄g i kóng:” Lí ū siáⁿmih tāichì beh pò góa chai? ”
23:20 I ìn:” Iûthàilâng íkeng kónghó, kéchò
beh koh siôngsè chamn̄g Pólô ê ànkiâⁿ, ē kiû lí bînáchài chhōa Pólô khì gīhōe.
23:21 Só͘í, kiû lí m̄thang thiaⁿ in ê ōe,
inūi in ū sìcha̍p gōa ê lâng bâiho̍k, beh tn̄g i. In íkeng chiùchōa, nābô thâisí
Pólô, mchia̍h mā m̄lim. Taⁿ in chúnpī hósè, chiū tán lí ê únchún. ”
23:22 Iâⁿtió͘ⁿ kiò i tńgkhì koh hoanhù:” M̄thang
kā lâng kóng, lí ū kā chiahê tāichì pò góa chaiiáⁿ.”
23:23 Iâⁿtió͘ⁿ katī sūi chhōe nn̄gê liântió͘ⁿ
kā in kóng:” Eàm káutiám, chúnpī nn̄gpah ê pō͘peng, bépeng chhitcha̍p ê, kia̍hchhio͘
è nn̄gpah ê, chhuthoat khì Kaisatlīa.
23:24 Koh chúnpī bé hō͘ Pólô khiâ, hō͘sàng
i anchoân kàu chóngtok Huile̍ksū hia.
23:25 Iâⁿtió͘ⁿ siá chi̍ttiō͘ⁿ phoe, tāiiok
sī ahne:
23:26 “ Keklótiu Lūsea ǹg chóngtok Huile̍ksū
tāijîn chhéngan.
23:27 Chitê hō͘ Iûthàilâng lia̍htio̍h ê ,
tī i tehbeh hō͘ in chhúsí ê sî, góa chi̍tē chaiiáⁿ i sī Lômá kongbîn, chiū
chhōa pō͘tūi khì kā kiù chhutlâi.
23:28 Góa siō͘ⁿ beh liáukái in kò i ê líiû,
chiū sàng i khì in ê gīhōe.
23:29 Góa chachhut i hō͘ in kò, sī iúkoan
in ê hoatlu̍t ê gîbūn, pēng bô hoāntio̍h chhúsí ásī kā koaiⁿkaⁿ ê chōe.
23:30 Tng ū lâng lâi kā góa pòkò, kóng Iûthàilâng
leh kèbô͘ hāmhāi chitê lâng, góa sūi kā i sang khì lí hia, koh bēnglēng hiaê kò
i ê lâng, mā tio̍h tī lí ê bīnchêng khòng-kò i. Chàihōe. ”
23:31 Chiū ahne, pō͘tūi chiphêng bēnglēng,
thàumê kā Pólô ahkhì kau hō Anthêphàⁿtí.
23:32 Kehji̍t, in hō͘ bépeng ah Pólô chiânóng,
chiū tńgkhì iâⁿkhu.
23:33 Hiaê bépeng kàu Kaisatlīa, chiong
phoe kauhō͘ chóngtok, mā kā Pólô kau hō͘ i.
23:34 Chóngtok khòaⁿ hit tio͘ⁿ phoe liáuāu,
mn̄g Pólô sī tó chi̍t séng ê lâng, chaiiáⁿ i sī Kilīka
23:35 Chiū kóng:” Tán kò lí ê lâng kàuui,
góa ē siôngsè thiaⁿ lí ê ànkiâⁿ. Chóngtok chiū hālēng kā Pólô kò͘siú tī Hilu̍t
ê ôngtiān.
2025.09.14. Siukái tī Lâmthâm
沒有留言:
張貼留言