Mákhó Hokimsu Tē Cha̍p Chioⁿ

10:1 Iaso͘ tùi hia chhuthoat, lâikàu Iûthài ê piankài kap Io̍ktàn hô gōa ittài. Chi̍t tōatīn lâng chūchi̍p tī I ê bīnchêng, I koh chiàusiông kóngkhí Siōngchú ê ōe, kap in hunhióng.

10:2 Ū Hoatlīsài lâng lâi mn̄g I: ”Chò tionghu ê kám ēsái kap i ê bó͘ līhun?” In ahne mn̄g ê ìsù sī beh chhìthàm Iaso͘.

10:3 Iaso͘ ìn :” Mô͘se sī ánchóaⁿ kautài lín è? ”

10:4 “Mô͘se iôngún lâng siá chittio͘ⁿ lîhunsu, chiū ētàng līhun.” In ahne hôetap.

10:5 Iaso͘ kóng:“Mô͘se sī inūi lín ê sim chinngē, só͘í chiah ū siá chittiâu kuitēng.”

10:6 M̄ku tī goânpún chhòngchō ê sî, Siōngchú chō lâng, ū lâm ū lú.

10:7 Só͘í lâng tio̍h līkhui i ê pēbó, kap i ê bó͘ kiatha̍p, nn̄gê lâng chiâⁿ chò chitthé.

10:8 Kìjiân sī ahne, huhū bô koh chài sī nn̄gê lâng, sī íkeng chiâⁿchò chitthé à.

10:9 Só͘í Siōngchú só͘ phòeha̍p ê, lâng m̄thang thiah līkhui. ”

10:10 Kàu in ji̍pkhì chhùlāi, ha̍kseng koh thêkhí chithāng sū mn̄g Iaso͘.

10:11 I tùi in kóng:” Nā ū lâng kap i ê bó͘ līhun koh chhōa pat ê, chiūsī hoān kanîm , ko͘hū i ê bó͘;

10:12 Chò bó͘ ê nā kap i ê ang līhun koh chài kè, iāsī hoān kanîm.

10:13 Ū lâng chhōa sèhàn gíná lâi kàu Iaso͘ bīnchêng, chhiáⁿ I ēng chhiú hōaⁿ tī in ê sinchioⁿ lâi chiokhok , khiok hō͘ I ê ha̍kseng chíchek.

10:14 Iaso͘ chitē khòaⁿtio̍h ahne chiū chin siūkhì, tūi hiaê ha̍kseng kóng:” Tioh únchún sèkiáⁿ lâi Góa chia, m̄thang cho͘chí in, inūi tī Siōngchú ê koktō͘ lóng sī chitkhoán lâng.

10:15 Góa chin sīmtiōng kā lín kóng, nāū lâng beh niásiū Siōngchú ê koktō͘, nābô chhinchhiō͘ⁿ gíná, choa̍ttùi bētàng ji̍pkhì.”

10:16 Chôaⁿ sûi khí phō gíná tī I ê hengchêng, ēng chhiú hōaⁿ in ê thâukhak, chi̍tê chi̍tê kā in chiokhok.

10:17 Tī Iaso͘ chiahbeh chhutgōa ê sî, ū chi̍tê lâng cháu lâi kūi tī I ê bīnchêng, mn̄g I kóng:” Ūkàuhó ê Lāusu, góa tio̍hài khì chò siáⁿmih tāichì chiah ētàng sêngchiap éngoán ê oa̍hmiā à?

10:18 Iaso͘ mn̄g I kóng:” Lí sī ánchóaⁿ kóng Góa ūkàuhó? Tûliáu Siōngchú ígōa bô chi̍tê sī hóê.

10:19 Lán ê kàibēng lí mā lóng chai, pau-koa: M̄thang thâilâng, m̄thang kanîm, m̄thang thauthe̍h, m̄thang chò ké kiànchèng, m̄thang phiàn lâng, tio̍h hàukèng pēbú. ”

10:20 I ìn:” Lāusu, chiahê kàibēng góa tùi sèhàn itti̍t chunsiú kàutaⁿ.”

10:21 Iaso͘ chùba̍k khòaⁿ i, lu thiàⁿsioh i, tùi i kóng:” Lí iau kiám chò chi̍thāng, chiūsī bētiāu lí só͘ūê, chiong tittio̍h ê chîⁿ, pun hō͘ sànhionglâng, ahne lí tī thiⁿténg pittēng ū châipó; pēngchhiáⁿ lâi tòe Góa.”

10:22 I thiaⁿtio̍h chia̍hê ōe, bīnsek soah chin pháiⁿkhòaⁿ, thâukhak lêlê lâi līkhui, inūi i ê châisán chinchē.

10:23 Iaso͘ khòaⁿliáu i sìûi ê lâng , liânāu tùi ha̍kseng kóng:” Ūchîⁿlâng beh ji̍p Siōngchú ê koktō͘ chinchiàⁿ bô kántan neh !”

10:24 Ha̍kseng thiaⁿliáu chia̍hê ōe kiaⁿchi̍ttiô. Iaso͘ koh sòa lô kóng:” Lín siôngsè thiaⁿ leh, nāū lâng siō͘ⁿbeh khò i ê chîⁿchâi ji̍pkhì Siōngchú ê koktō͘, hesī chin bô khólêng ê tāichì!

10:25 Beh nǹgkòe niauámn̂g ê lo̍ktô, iau pí châichú beh ji̍pkhì Siōngchú ê koktō͘  khah kín !”

10:26 Ha̍kseng chiū chhoah chi̍ttiô, tùi I kóng:” Nā ahne siáⁿmihlâng ē titkiù à? ”

10:27 Iaso͘ chùba̍k khòaⁿ in, kóng: ” Tùi lâng lâi khòaⁿ sī bô pānhoat, m̄ku tùi Siōngchú khiok m̄sī ahne, inūi Siōngchú takhāng tāichì lóng ētàng.”

10:28 Pítek sûi tùi I kóng: ” Lí khòaⁿ, goán íkeng hòngkhì só͘ūê lâi tòe Lí à! ”

10:29 Iaso͘ hôetap:” Góa chin sīmtiōng kā lín kóng, nāū lâng ūitio̍h Góa kap soanthoân Siōngchú ê hósiausit, chôaⁿ hòngkhì katī ê chhùtheh, ásī hiaⁿtī, chímōe, pēbú, chhânhn̂g,

10:30 tī i chi̍tsì lâng itténg ē tittio̍h pahpōe ê chhùthe̍h, hiaⁿī, chímōe, lāubú, jîlú, chhânhn̂g, koh ē siū pekhāi, tī chiônglâi tittio̍h éngoán ē sèⁿmiā.

10:31 Chóngsī chinchē kiâⁿ tī thâuchêng ê lâng, beh pìⁿ lō͘bóe, tī lō͘bóe ê beh chò thâuchêng.”

10:32 In kiâⁿ ǹg Iâlō͘satléng ê lō͘tiōng, Iaso͘ kiâⁿ tī thâuchêng, ha̍kseng kámkak chin kîkoài, tòe tī āupiah ê lâng mā chin kiaⁿhiâⁿ. Iaso͘ kiò cha̍pjī ê ha̍kseng óalâi, chiong I só͘ tebeh tútio̍h ê tāichì kā in kóng:”

10:33 “Khòaⁿ leh! Lán khì kàu Iâlō͘satléng ê sî, Góa ē pī lâng lia̍hkhì kau hō͘ chèsitióⁿ hām kàusu, in ē phòaⁿ Góa síhêng, chiong Góa sáng khì gōakàulâng ê chhiútiong.

10:34 In ē híláng Góa, tùi Góa ê bin phùi chhùinōa, koh ēng piⁿ phah Góa, chiah thâisí Góa. M̄ku saⁿji̍t āu, Góa ē kohoa̍h. ”

10:35 Sepíthài ê kiáⁿ Ngákok, Iokhān kiâⁿ lâi Iaso͘ ê bīnchêng, kóng: ” Lāusu, Bôlūn goán ǹg Lí kiû siáⁿmih, chhiáⁿ Lí hō͘ goán. ”

10:36 Iaso͘ ìn in: ” Lín ài Góa ūi lín chò símmi̍h? ”

10:37 In kóng: ” Tng Lí tittio̍h êngkng ê sî, chhiáⁿ Lí hō͘ goán chi̍tê chē tī Lí ê chiàⁿpêng, chi̍tê chē tī Lí ê tòpêng.”

10:38 Iaso͘ kóng:” Lín m̄chai lín só͘ kiû ê sī siáⁿmih, Góa só͘ beh lim ê poe, lín kam lim ē loh? Góa só͘ beh siū ê sé, lín kam siū ē khí ? ”

10:39 In ìn : ” Goán ē. ” Iaso͘ kóng:” Góa só͘ lim ê poe, lín iā beh lim, Góa só͘ siū ê sé, lín iā ē niásiū;

10:40 m̄ku beh chē tī Góa ê chiàⁿpêng ásī tòpêng, m̄sī Góa ētàng hō͘ lín ê, hesī íkeng ūi siáⁿmih lâng chúnpī, chiū beh hō͘ i è. ”

10:41 Lēnggōa cha̍pê ha̍kseng thiaⁿtio̍h ê sî, chiū tùi Ngá-kok, Iokhān khí tōa siūkhì.

10:42 Iaso͘ kiò in óalâi, tùi in kóng: ” Lín chaiiáⁿ, tī gōakoklâng ê tiongkan ū pī in jīmtēng ê thóngtīchiá lâi tīlí in, iā phài léngsiù koánlí in.

10:43 Tānsī tī lín tiongkan m̄sī ahne. Tī lín tiongkan nāū lâng beh chò tōa ê, ittēng ài chò lín ê po̍kjîn;

10:44 tī lín tiongkan nāū lâng beh chò thâu, ittēng tio̍h chò tāike ê sèhànè.

10:45 Inūi Góa lâi m̄sī beh hō͘ lâng ho̍kbū, tiantó sī beh lâi ho̍kbū lâng, koh beh pángsat Góa ê sèⁿmiā, chiong chēchē lâng ê miā bé tòtńglâi. ”

10:46 In kiâⁿ lâi kàu Iâlīko ê sî, Iaso͘ hām ha̍kseng kap chēchē lâng beh līkhui Iâlīko ê sî, khòaⁿtio̍h chi̍tê ba̍kchiu bô khòaⁿkìⁿ ê lâng chē tī lō͘piⁿ tánthāi lâng pun mi̍hkiāⁿ hō͘ i, miâ chò Batimái sī Timái ê kiáⁿ.

10:47 I thiaⁿtio̍h sī Násatle̍k ê Iaso͘ lâi ā, sûi tōasiaⁿ hoah: ” Tāipi̍t ê kiáⁿsun Iaso͘ à! Lînbín góa o͘h! ”

10:48 Cho̍kchē lâng chekpī i, m̄chún i chhutsiaⁿ. I hoántńg lú tōasiaⁿ hoah: ” Tāipi̍t ê kiáⁿsun à, lînbín góa! ”

10:49 Iaso͘ sûi khiā tī hia kóng: ” Kiò i kòelâi. ” In chiū kā hitê ba̍kchiu khòaⁿbô ê lâng kóng: ” Lí taⁿ ansim, khílâi, Iaso͘ kiò lí kòekhì. ”

10:50 I chiū chiong gōasaⁿ thǹg khílâi, sûi thiàukhílâi, kiâⁿ khì Iaso͘ hia.

10:51 Iaso͘ mn̄g i kóng: ” Lí ài Góa theh lí chò siáⁿmih? ” I ìn: ” Lāusu, góa ài beh ētàng khòaⁿkìⁿ. ”

10:52 Iaso͘ kóng:” Lí ēsái tńgkhì à! Inūi lí ê sìn, hō͘ lí tittio̍h oânchoân hókhì. ” I chi̍t sùnkan chiū sûi ē khòaⁿtio̍h, chiū tòe Iaso͘ āubīn kiâⁿ

          2025.10.31. Siukái tī Lâmthâm